نصائح للعروسة الذكية قبل شراء أقمشة التنجيد

عشان انتى بنوتة ذكية وقد المسئولية أكيد هتكونى دايما بتفضلى تختارى كل شئ بدقة وعناية ، وخصوصا لو اللى بتختاريه ده جهاز وفرش شقة العمر 

فى المقال ده ومقالات تانية جاية ان شاء الله هقدملك نصائح تساعدك تختارى كل حاجة فى بيتك صح من غير ماتحتارى

اول حاجة هبتدى بيها هى أول حاجة بتظهر لضيوفك وزوارك (الصالون و الأنتريه و الركنة )

نصائح أقدمها لكل بنوتة ذكية قبل شراء أقمشة التنجيد

قماش التنجيد يعتبر من أهم ديكورات البيت ومن أهم عناصر التغيير، لو أتقنتى اختيارها هتحصلى على نتائج رائعة تُضفي روح جديدة على عناصر الديكور الثابتة كلها.

فيه أنواع وخامات كتيرلأقمشة التنجيد والستائر، فهناك الأقطان والأصواف والحرير والقطيفة والشمواه والجلود، وكمان المنقوش والمقلم والسادة، إلى جانب نوعيات أخرى ذات الوبرة العالية، والتي يتم الاعتماد في تصميمها على عمل تشكيل معين بواسطة الفرق بين ارتفاعات الوبر البارز والغائر، إضافة إلى الأقمشة ذات السطح اللامع وأخرى غير لامعة.

من المدارس المحببة لناس كتير في تنفيذ ديكورات منازلهم، هي الألوان الهادئة في عناصر التصميم الثابتة وهي: "الأرضيات والحوائط والأسقف"، ويمكن التغيير في ألوان الأقمشة المنفذ بها كالستائر وأقمشة تنجيد قطع الآثاث و"خُدديات" الكنب والأرضيات والسجاجيد والتابلوهات، والطريقة دى بتعتمد بشكل رئيسي على ألوان المنسوجات في إظهار المكان بالصورة الملائمة.

مفيش شك ان الأقمشة لها دور في إظهار إضاءة المكان أو إخفائها، بمعنى أن الأقمشة القطنية والكتان بتمتص الضوء، عشان كده بنستخدم معاها إضاءة عالية، لكن الأقمشة الحريرية بيكون سطحها عاكس للإضاءة،عشان كده عادة ما تستخدم الضعيفة والخافتة لأنها تساهم في إظهار الإضاءة بشكل أكبر.

ممكن نمزج بين خامتين من القماش، ممكن ده يفيد في النتيجة النهائية لشكل طقم الصالون أو الأنتريه، فمثلا لو استخدمنا في صنع الكنبة قماش من الكتان هيكون رائعا لو عملنا  "الخُدديات" من قماش لامع زى : الأورجانزا أو التافتاه، فالتضاد ما بين نوعي القماش يظهر مميزات كل خامة.

فيه وظيفة تانية مهمة للمنسوجات غير أن ألوانها وزخارفها بتعمل لمظهر جمالي معين، فهي كمان تعمل على تنظيم الإضاءة كالستائر وممكن الإستفادة بها في تقسيم الفراغات داخل المنزل، وفيه أنواع معينة من الأقمشة بتساهم في العزل الصوتي داخل المساحة المحددة بها.

ومن مميزات استخدام أنواع الأقمشة المختلفة أنها أسرع خامة ممكن تغييرها في أثاث البيت، والتجديد من خلالها بيحصل بسهولة وسرعة، فتغيير لون كسوة الصالون يغير شكل المنزل، وتغيير قماش الستارة أو "خُدديات" الأرضيات أو تغيير السجادة بيضفى لمسة من الجمال، ودى بتعتبر طريقة بسيطة لإحداث تغيير سريع لشكل المنزل فى حالة احساسك بالملل من ألوان الغرف.

وتختلف أنواع الأقمشة مع اختلاف فصول السنة، فمثلا فصل الشتاء غالبا ما تستخدم الأصواف والقطيفة والشمواه، وفي الربيع والصيف تستخدم الأقمشة الحريرية والأقطان والكتان لأنها تعمل على التقليل من درجات الحرارة.

وبشكل عام لا يفضل استخدام الأقمشة الصناعية في غرفة المعيشة لأنها تتسبب في مضاعفة الإحساس بالحرارة، وده له تأثير سيئ على الحالة المزاجية، خصوصا أن غرفة المعيشة هيا اللى بتستوعب أكثر الأوقات في المنزل.

ولازم تاخدى فى اعتبارك أن القماش كلما كان سميكا، تحمل أكثر وبقي لمدة أطول من غير ما يتأثر بأى شئ.

مهم جدا

كقاعدة عامة مش كل الأقمشة الغالية كويسة ، ولا كل الرخيصة سيئة أكيد
ولكن لازم تهتمى بالجودة مهما غلى تمنها لأنها بتوفر عليكى التجديد الاجبارى بعد وقت قليل من الاستخدام اذا كانت درجة تانية او جودة قليلة
 عند الشراء يفضل أن تستعين برأي خبير أو متخصص، ولكن انتبهى فى حال لجأتى للمنجد لأن غالبا بيرشحوا لكى محلا معينا بياخدوا منه عمولة ، وطبعا كلنا عارفين ان العمولة دى بتزيد على تمن القماش ، دا غير ان ممكن كمان يكون القماش درجة تانية او نوع سئ وهو رشحه ليكى بس عشان العمولة وبالتالى انتى اللى هتخسرى 

 لو بتدورى على الشياكة والتميز وكمان الجودة
أرشح لكى شركة الكيلانى للستائر والمفروشات بدمياط
قماش تنجيد شيك وأصلى درجة أولى 
لا بيتعاملوا مع السماسرة ولا عندهم نظام العمولات
فرق كبير بين الكيلانى وأى مكان تانى
فى الموديلات وروعتها وشياكتها وتنوعها
وفى المعاملة والأمانة 
وكمان الكيلانى عنده شحن للمحافظات
#دمياط_مش_بعيدة

العنوان
دمياط - ميدان باب الحرس 
شارع قهوة الشعراوى - بجوار صيدلية مكة 

تليفون أرضى : 0572204045موبايل: 01283304927

صفحة الكيلانى على فيس بوك 
https://www.facebook.com/elkelany.textile


المقالة الجاية ان شاء الله : نصائح قبل اختار الستائر